دورة التنمية البشرية اليوم التاني بالصور والشرح

ومع التغطية اليومية لدورة التنمية البشرية المقامة بكلية طب بيطري بني سويف
برعاية شركة انتر كوفا



واليوم الثاني




في البداية اعزروني لو فيه اي اخطاء املائية عشان انا كتبتها بسرعه جدا بعد اليوم الثاني من الدورة انتهي


يبدأ اليوم بكلمة من الدكتورمحمد عبد الفتاح


ويشكر كل الموجودين ويشكر الأستاذ الدكتور إسماعيل عبد الحفيظ رئيس قسم الميروبيولوجي



والاستاذ الدكتور أحمد ممدوح الشريف رئيس قسم الامراض المعدية علي تشريفهم وقبول دعوة المهرجان


يقدم الدكتور محمد عبد الفتاح لكلمة الاستاذ الدكتور أحمد ممدوح



احب اقول ان اليوم ده معرفتش اكتب كل حاجه ورا الدكتور أحمد ممدوح لانه كان بيشرح بسرعه .. بس كل الكلام موجود في صور الباور بوينت الموجوده في الموضوع انا كتبت بعض الملاحظات ورا الدكتور والتعليقات اللي حصلت في الدورة
يبدأ الدكتور أحمد كلمته بالترحيب بالموجودين وبدأ يسأل الموجودين عن ميولهم وهل هم يحبون الطب البيطري ام لا؟؟ وهل قبلوا بوجودهم في هذه الكلية ام هو مجرد نصيب وحظ رماهم علي الكلية ؟؟
وتسال كم واحد بيحب البيطري وكم واحد مش مقتنع بالطب البيطري ؟ وكانت الاجابات المختلفة من الحاضرين علي حسب الميول .






ثم بدأ في المحاضرة بعنوان كيفية إدارة الصيدليات وشركات الادوية
قال ملحوظه مهمه : وهي ان الدكتور البيطري مش الدكتور اللي راكب موتوسيكل وبيلف بيه ... لألألأ الدكتور البيطري هو معاه شنطته وبيعمل كونترول علي المرض ولو عمل كونترول علي المرض قبل ظهوره فهو طبيب بيطري ناجح... أما لواستدعاه الفلاح لكي يفحص الحيوان المريض فهو بالتالي طبيب بيطري فاشل لانه لم يستطع تامين المنطقة من الامراض وتحصين الحيوانات بها.
وقال ان الطب البيطري في المقام الاول هو طب اقتصادي ...


والقي الضوء علي مجالات عمل الطبيب البيطري .. وهي مثل ان يعمل بالفيلد البيطري .. يعمل بشركات الادوية ..استشاري بيطري .. يفتح صيدلية..مندوب او مندوبة مبيعات للادوية ....إلخ
وقال انه يريد من الدفعات الحديثه في الكلية ان تبدأ تهتم بمجالات الانتاج مثل انتاج الدواجن والالبان والثروة الحيوانية..
ثم بدأ بعرض الباوربوينت الخاص بحضرته
بدأ بعرض وشرح اية العمل (( وقل إعملوا فسيري الاه عملكم ))



وبدأ بالاشتراطات الواجب توافرها في الصيدليات والمكاتب البيطرية

[img][/img]





وكما هو موضح بالصورة موجود معظم الشروط كما القاها الدكتور أحمد
وقال كلمة جميله جدا للجمع بين العمل والترفية وقال
work hard and play hard



وتكلم عن نقابة الاطباء البيطريين وقال انه عندما تخرج سنة 1986 كان عدد من في النقابة حوالي 10 الاف طبيب بيطري اما الن فالعدد قد زاد الي مايقرب من 86 الف طبيب بيطري
- وقدم نصحيه لكل من يردي ان يعمل بالفيلد البيطري وهو ان يختار بلد لايوجد بها عدد كبير من الاطباء البيطرين ولا يوجد بها محلات بيطرية كثيرة حتي يستطيع ان يقفل البلد علي حد قولة وان يعمل بالبلاد المجاورة ايضا
وتكلم عن استخراج التراخيص ومكان استخراج التراخيص وقال عنوانه في مبني كده في الدقي في الدور السابع قسم التراخيص وهاتدفع 1001 جنيه














ثم تكلم عن مواصفات الطبيب البيطري الناجح

سأذكر الملخص بسرعة عشان الوقت
عندما قال ان كل ميسر لما خلق له . فسرها وقال ان كل انسان بداخلة 150 مليار خلية عصبيةوبه طاقة تضئ بلد بأكملها لمدة اسبوع بما يعادل 86 مليار دولار

وقال علي الانسان ان يوقن انه افضل مخلوقات الله علي الارض
وتعرض لموضوع مكتب التنسيق قائلا ان مكتب التنسيق اللي ودانا بيطري هو افضل مكان للعدالة علي وجة الارض

وقال كلمة قد قالتها زوجة رئيس امريكي وهي :
no one make you inferior except by ur permission


وقال انه لازم يسود الاحترام بين الاطباء وكل طبيب يحترم زميله .. يعني متروحش كزرعه تشوف حاله وتشتم او تعيب في الدكتور اللي كان بيعالجها قبلك ولو قلت كده قدام الفلاح مش هايحترمك ولا هايحترم زميلك

وقال ايضا لابد ان ندرك الاسباب
وضرب مثال كويس اوي
(( وقال : كل واحد منكوا في البيت عارف الحيوان اللي بيتشتم بيه واللي اهله بيشتموة بيه .. يعني واحد بيتقاله ياحمار .. ياقرد .. لكن دي مش شتيمه ده نوع من التشجيع ولو متقالوش كده مكنش بقه دكتور.. وشوف نفسك في المراية عشان تتاكد.. لو لقيت ليك ودان طويله تبقي حمار .. بس انت ملكش .. بس ده بيكون نوع من التشجيع والحث علي العمل))







وقال لابد ان يكون ليك ال أنا المثالية يعني لما كانت الابلة بتسالك وانت صغير نفسك تتطلع ايه كله طبعا بيقول ظابط ودكتور ومحدش بيقول دكتور بيطري
وده بيؤدي لحاجه اسمها عدم الرضا عند الدكاتره البيطريين يعني كله بيقول كان نفسي اطلع دكتوور بشري


ولازم نسيبنا من الاعذار اللي بنقولها .. يعني محدش يقول اصلهم مش بيدونا درجات .. اصل مكتب التنسيق ظلمني ..وسالنا الدكتور سؤال هو حد فيكوا بيكتب ومش بياخد درجات.. كله جاوب بنفس واحد آآآآآآآه
فأجاب الدكتور أحمد قال محدش بيعمل وربنا بيضيع عمله ابدا

وقال ان المليارديرات في العالم لو عملنا نسبة ليهم ف 92 % منهم عملوا المليارات دي بشغلهو وكفاحهم .. وحوالي 7 % منهم ورثوها

ال 7 % دول منهم 92 % منهم بيجيلهم اكتئاب نفسي وممكن ينتحروا كمان
وظل بشرح بعض ابيات الشعر التي تحث علي العمل والكفاح وذكر قصة عنترة ومن كان يتحداه بان يضع كل منهم اصبعه في فم الاخر حتي يصرخ.. فصرخ من كان امام عنترة فقال عنترة لو مككنتش صرخت حالا كنت هاصرخ انا؟؟؟!!
وشرح قانون نشاطات العقل الباطن وقانون الرجوع

ثم أخذ من الدكتور محمد عبد الفتاح جنيها وقال لو عايز تاخد الجنيه ده تعمل ايه .. محدش رد.. قال لو كنت عايز الجنيه كنت قمت شديته من ايدي واخدته..(( مع اننا لو كنا عملنا كده.. معتقدش اننا كنا هانفض في الكلية بعد كده ولو يوم واحد)) المهم .. الدكتور اسماعيل قالله طب اعملها تاني كده...هههههههه والناس ضحكت طبعا الدكتور أحمد قالله لا لا لا هي مرة واحده بس


وضرب مثال تاني علي اتخاذ القرارات الجيده فإن لم تكن جيده فهي تعلم الانسان اخطائة حتي يتخذ قرارات جيدة
وضرب مثال سوزوكي بتاع العربيات والموتسيكلات السوزوكي ده لما سالوه انت بتتخذ قرار كل اد ايه؟؟ قال كل عشرة دقائق لو قرار صحيح ننفذه لو مش صحيح هاتعلم منه الصح






واهم حاجه في الشغل هو النية يعني لو انت نيتك خير وعايز تكون دكتور عشان تفيد الناس وتكفي نفسك وبيتك فأكيد ربنا هايكرمك ويوفقك
وانهي الدكتور أحمد ممدوح حديثه الرائع ومعلوماته ونصائحه لنا .. جزاه الله كل خير



وعقب الدكتور محمد عبد الفتاح قائلا (( كان عندنا دكتور الله يرحمه اسمه عبد المنعم سالم.. قال لو انتلو انت في مكان ودكتور كويس وحصل مشكله وانت مش موجود في الوقت ده.. هايقولوا يااااااااه فين الدكتور س كان حل المشكله دي .. اما لو انت دكتور مش كويس وحصل مشكله وانت جيت هتلاقي كل سخرية واهانه))





ثم يقوم حبيب الملايين الدكتور اسماعيل عبد الحفيظ رحيل ليلقي بكلمته عن كيفية ادارة معامل التحاليل
ولاقي تشجيع كبيييير من الموجودين


واثني علي الدكتور أحمد ممدوح علي معلوماته عن التنمية البشرية .. واثني علي الدكتور محمد عبد الفتاح كطبيب بيطري وقال ان عنده عياده جامده جدا في المنيا وشاطر جدا..

وقبل ان يبدأ بحديثه قال هاضربلكوا مثالين بسرعه كده

اول حاجه .. زمان وانا في البلد كان عندنا ارض وكان ليها خولي بيحرسها يعني المهم الراجل ده مكنش بيحب البيطريين خالص وبيقعد يشتم فيهم.. ومش مقتنع بيهم .. لحد ماجه يوم والخولي ده كان عنده بقرة جالها هيبوكالسيميا (حمي اللبن) واستدعي الدكتور اسماعيل ...ولحسن الحظ ان الحالة دي النتيجه بتظهر عليها بسرعه جدا .. وفعلا بعد ماقامت البقرة .ز الراجل غير فكرته عن البيطريين خااااااالص وبقي يحبهم..

وموقف تاني .. يوم الرحله بتاع اسرة سمارت الدكتور اسماعيل كان جاي من الفيوم وشاورله حد في الطريق عشان كان رايح الشغل بتاعه ..والراجل ده كاان فرحان جدا .. ليه بقه..؟؟ عشان البقرة بتاعته ولدت.. مبرووووووك........المهم حكي للدكتور اسماعيل حكاية البقرة دي .. وهي لما جاب الدكتور البيطري يجسها قاله انها عشار اربع شهور .. بس للاسف بعد فتره جاب الراجل الجساس قاله ان الجنين مات فيها.. وطبعا صاحبنا رجع للدكتور وجابه ..والدكتور فعلا اتاكد ان سيادة الجنين ميت فعلا وعمل اللازم لاستخراجه .. وبعد كده بقت كويسه وحملت تاني وولدت


وقال معلومه جميله ان الاستاذ الجامعي لابد انيعمل بالفيلد ايضا
لأن استاذ جامعي + فيلد مان = خبير expert

وكل طالب ياجماعه بيتخرج بيكون زميل ومش تلميذ
ولكن معظم الطلاب اللي بيتخرجوا يشتغلو في الادوية مبيكونش عندهم خبرة كافية للتسويق في مجال الادوية
يعني مرة جاله مندوب يقوله انا كنت تلميذك يادكتور .. اهلا وسهلا ياسيدي.. ممكن يادكتور تقولي ايه هي اخر نكته؟؟ هههههههههههه ده مثال لمندوبين الادوية اللي مش عندهم خبره كافية
وواحد تاني جه للدكتور بيقوله ان الدوا ده فعال جدا ضد الكوكسيديوزيس coccidiosis وسعادة المندوب قعد يشرحله دورة حياة الكوكسيديا .. والدكتور اسماعيل يقوله يابني عارفها والله واخدتها في سنه تالته والباشا مصمم يشرحهاله.. لا اله الا الله
بعد كده انتقل الدكتور اسماعيل للشرح والكلام الجامد اوي عن معامل التحايل وسال الناس هل انتوا عايزيني اتكلم عن معمل التحاليل البيطري ولا البشري؟؟ كله قال البشري .. بس الدكتور اسماعيل اتكلم عن البيطري
وقال ان المعمل البيطري مش عايز دبلومة اما البشري عاوز دبلومة ميكروبيولوجي او دبلومة بيو كيمستري
وقال ان كليتنا مفيهاش بيو كميستري دبلومة ومش موجوده االا في طب بيطري مشتهر جامعة بنها وطب بيطري الساداااااااات جامعة المنوفية ((بلدنا يامعلم))

وقال لاتضع في اعتبارك ان معمل التحاليل مش هايحل كل مشاكل.. لازم تكون علي دراية تامة بوسائل التشخيص ويكون عندك خبرة حقلية كافية..

وذكر بعض المستلزمات اللي تحتاجها عشان تفتح معمل تحاليل مثال حضانة Incubator وفرن autoclave وميكروسكوبات
لازم تحدد هاتشتغل في ايه يعني لارج انيمال ولا دواجن ولا ايه بالظبط
ويكون عندك أدوات للجراحه تنفع للحيوانات المختلفة .. وهاتحتا شوية صبغات زي الجرام والليشمان والجيمسا ودول كفاية اوي



وقال ان بعد الدبلومة اللي بتستمر سنه.. هايدوك شهاده وتيجي تطلع الرخصه هايرففضوا طبعا وحضرتك هاتجيب اصغر محامي في مصر وهايجيبلك الرخصه وتقدر تفتح المعمل في وجود طبيب بشري
وشروط المعمل زي ماقالها الددكتور احمد ممدوح في العرض بتاعه..
وهايبعتولك لجنه للتفتيش عليك وعلي التلاجه اللي عندك لو لقوا فيها اي حاجه خاصه بال hematology هايدوك الرفض المتين يامعلم ومش هايوافقولك علي المعمل .. وطبعا هاتكون انت محضر الجاتوة والحاجه الساقعه لزوم المسائل ههههههههههه
ولازم حضرتك تكون عارف الاختبارات اللازمة زي total leucocytic count والاختبارات الاخري
وقال ياريت انك متديش اسمك لاي فني عشان تفتح معمل بشري عشان كده يبقي بتقلل من نفسك ..
وينهي الدكتور اسماعيل حديثه الجميل ...


ثم يوزعوا العصير والمولتو بتاع كل يوم..
ويطلب الدكتور محمد من الموجودين طرح الاسئلة علي الدكاترة الموجودين ...؟؟؟

السؤال الاول : الدبلومة لازم يمر عام عشان اقدر اخدها ولا لا ؟؟

يجيب الدكتور اسماعيل .. في بني سويف والقاهره اه لازم يمر سنه اما الكليات التانيه مش لازم تمر سنه

السؤال التاني : ازاي نتخلص من سيطرة العمال في الفيلد البيطري ؟؟

يجيب الدكتور أحمد ممدوح... ان حضرتك لازم تسيطر علي الفيلد كله في بلدك
وتبلغ النقابة عن ادعياء المهنه بتاعتنا .. لازم تبلغ عن العامل ..مش زي مابيحصل من بعض الدكاترة يقولوا للعامل اي حاله هاتجيبهالي تاخد عليها 5 جنيه زي مابيعمل بعض الدكترة ..



وسؤال اخر .. لو الدكتور البشري خاف من الدم هو بيسيب تخصص الجراحه .. اما البيطري فهو بيخاف من الحيوان يعمل ايه؟؟

يجيب الدكتور أحمد ممدوح .. لما توصل سنه خامسه انا هاعلمك ازاي متخفش من الحيوان لاني هافضل اول شهرين اديك سكاشن عملي وهاعلمك كل حاجه


سؤال اخر :: لازم اعمل الدبلومة في الكلية اللي اتخرجت منها ؟؟
لا مش لازم ممكن تاخدها من اي كلية

سؤال تاني :: ينفع افتح صيدلية بشري مع البيطري؟؟
لأ طبعا مينفعش

سؤال كمان:: هي الدبلومة عايزة تقدير ؟؟؟
لأ دي بأي تقدير

هل يسمح لخريجي العلوم الحصول علي دبلومة ميكروبيولوجي ؟؟

في بني سويف مينفعش لا علوم ولا صيدلة ولا طب بشري

وينهي الدكتور محمد عبد الفتاح لقاء اليوم ويعلن عن استكمال باقي الدورة غدا ان شاء الله وتوزيع الشهادات والجوائز..





محسن كرم