سلام عليكم
وانا جاي الكلية طبعا كالعاده جاي قرفان ومخنوق وكملت بالقطر طلع عينيا يخزن شويه ويهدي شويه ويقف شويه قلت اطلع الموبايل اكتب شويه افش غلي وخلاص
فكتبت الكلام ده
اه يا بلد فيكي الغلابة متقطعين والأغنياء متنعمين
ومن دم الغلابة مرتويين
ومن لحمهم شبعانين
الدنيا دي فيها ناس همها رغيف العيش وحبة الطماطم
اهي عليكم يا مطحونين
وناس همها اللبس والمجلات والسينيمات والمشي مع البنات
بالزمة مش دول تافهين
وليه عمرهم ما كانو بغيرهم حاسين
واشمعنا في نقابة للأطباء والمهندسين
ومفيش نقابة للغلابة والشحاتين
اللي فالأخر هيبقو مجانين من الغلا ومن البلا ومن الحقد ع المرتاحين أو يبقو مسجونين مع انهم مش مذنبين معملوش حاجة ومغلطوش ف حاجة بس مكنش ليهم ضهر متين
وأي مصيبة تحصل أو مسؤل يزور يقولك ده خطأ الموظفين
حرام عليكم هما الموظفين ناقصين مش كفاية العيش اللي زي الطين واللحمة اللي مش طايلين والطماطم اللي مش لاقين ومرتبهم اللي 150
وكمان بتقولو عيلهم مزورين
انتو ايه بالزمة مش حاسين
الدول بتتقدم من حولنا ومش عارف ليه احنا مش متقدمين ياتري الارض بتضحك علينا وبتلف بينا ولا احنا مش ماشيين
بس اللي عارفه اننا بنرجع لورا بقالنا سنين
و عجبي عليكم يا مصريين
يا ريت تقولولي رأيكو ولو في أي نقض احب جدا اني اسمعه
