ازاى تذاكر وتقدر تجيب تقدير

السلام عليكم ورحمه الله
الى اخوانى واخواتى طلبه الفرقه الاولى والى كل من يقرا هذا الموضوع طبعا شىء صعب جدا انك تعرف معلومه انت حاسس انك مجبر عليهااو لازم تعملها طيب ازاى اذاكر وازاى اجاوب واجيب تقدير اولا لازم تكون علاقتك بربنا كويسه لان العلم نور ونور الله لا يهدى لعاصى
طيب اعمل ايه ابدأ ازاى يا ريت نبدأ الخطوات دى مع بعض واحب الاول اوضح ان ده ناتج من خبرات شخصيه ووجهه نظر
1- أداء فروض الصلاه
2- إختار الاول الماده اللى أنت عاوز تذاكره وليكن محاضره مثلا
3- إقرا المحاضره بسرعه كما لو كنت بتقرأ قصه معينه فى اى كتاب ومطلوب منك إنك تحكى مضمون القصه بعد ان تقراها
4- من القرأه السريعه دى مش هتفهم اكتر من 40-50% من المحاضره مش مهم إسمع وكمل معايا
5-تبدا تقسم المحاضره الى اجزاءوتحاول تعرف ايه الجزء اللى ركز عليه الدكتور
6-حاول تركز كل موضوع فى المحاضره الى نقط مش باراجرافات
على سبيل المثال لو هتتكلم على نقطه معيه فى التشرح حاول تكون مرتب فى كلامك وعامل حسابك انك تعرض سلعه معينه معروضه لشخص واحد اكتر من مائه وخمسون مره على سبيل ان كل زملائك بيعرضوا نفس المعلومه لدكتور واحد طيب ازاى اجذب الدكتور الى الورقه بتاعتى بيكون كتابتى للمحاضره نموذج مصغر لكتابتى فى ورقه الامتحان
7-ارتب المعلومه ازاى لو هتمسك نقطه فى التشرح ابدا بتعريف المعلومه فى نقطه
المكان والحدود فى نقطه
مع رسم شكل لتوضيح المعلومه حتى ولو كان الرسم ده خاص بيك انت
تقسم المعلموه فى نقطه
وتتوالى فى ترتيب النقط بحيث على الاقل تكون عارف ان عشان اجاوب صح على المعلومه دى لازم اعرف 5 او 6 او 7 نقط عشان تبقى عارف حدود المعلومه

8- لازم وانت بتذاكر تعمل لنفسك رسمه خاصه بيك تخليك تختصر الرغى والكلام الكتير وتعمل حسابك ان مثلا هتراجع ال7 او 6 نقاط اللى انت كتبتهم فى اسرع وقت من غير ما تنسى نقطه ومن غير ما تقرا كتير لان الرسمه بتنقل المعلومه اكتر من الكلام
9- طبعا لازم توزع مذاكرتك على كل المواد وتذاكر اول باول وعلى الاقل لو ما قدرتش تذاكر محاضره اوعى تسيبها وطنشها اوعى حاول قبل ما تنام لازم تقراه مره على الاقل عشان لو طنشتها هاياثر عليك
10- انت عارف لو حضرت محاضره وفهمت منهااربعين فى الميه ده مش وحش عشان لو قراتها مره كمان هتوصل 50-60 ولو كتبتها هتصول 80-90
11- حالو وانت بتذاكر يكون ليك اسلوب معين لحفظ المعلومه عشا يسهل عليك استرداد المعلومه عند الحاجه اليها
12- حاول تختبر نفسك انت فهمت ايه بعد القراه او المذاكره كل شويه واطمن نسبه اللى هتفتكره اول مره مش هتكون كبيره ده اكيد كويس ان افتكرت 60 فىالمائه من اللى ذاكرته تر جع تشوف ايه اللى نسيته وتعيد عليه تانى
13- لازم تعرف ان لكل انسان مفتاح واك لازم تعرف ايه هو مفتاح كل دكتور
واحد بيحب انك ترسم كويس واحد بيحد انك مثلا تسرد له العوامل الموثره على ..... هى 1 2 3 4 5 ثم توضح له بعدها 1- يشمل كذا وكذا
وتحاول تعمل حسابك ان الدكتور مش هيقرا كل شىء يعنى تنجز فى الكتابه وفى نفس الوقت تعمل حسابك انه مش هيسب ولا نقطه الا لما يقرأها يعنى معلومتى تكون سهله وشامله وداله



ملحوظه هامه
مش لازم وأنت بتذاكر فى الماده تكون قابلها أو مش قابلها ضع فى حسابك اكتر من شىء قبل ما تفكر فى المذاكره يا ترى ايه اللى هيحصل لو ذاكرت وجبت تقدير هسعد اهلى هكون قدوه كويسه وهرتاح هشوف وظيفه كويسه
وتحط فى زهنك لو مش هذاكر الماده دى ايه اللى ممكن يتم
اكتر من انسان تفوق فى مواد مش عشانه هو لا عشان اهله عشان يحاول يسعد انسان عزيز عليه او عشان يكون قدوه كويسه
ولو لقيت دكتور مش بيشرح كويس او اخلاقه مش كويسه اعرف انها كانت مسئوليه زمايله اللى كانوا زيك كده لانهم تركوا واحد مش كويس مثلا يتفوق عليهم ويكون هو فى المكان ده
يعنى احسبها كويس لو انك شايف نفسك انسان جيد بلاش حد غيرك يكون فى الامام وانت اللى فى الخلف




عيد حسباتك من جديد لو انت نجحت بجيد لازم تجيب امتياز ولو ربنا ما قدر لل ان تنجح فى ماده هذا الترم لازم تعدى فى الترم التانى
واخير السلام عليكم ورحمه الله وربنا يسمعنى عنكم كلكم سمع خير ان شاء الله
اشرف عواد