طبعا اول سؤال هيكون انتوا مين؟؟؟؟
بصوا
احنا جمعيه حماه المستقبل اكيد كتير منكم سمع عننا واللى مسمعش عننا احنا
جمعيه خيريه هدفها الاساسى تنموى وبتعتمد على المتطوعين من الشباب نفذنا
الحمد لله كذا مشروع اهمهم مشروع انسان لتنفيذ مشروعات لاسر فقيره
ورعايتها من كل النواحى التعليمه والصحيه والاجتماعيه والاقتصاديه
بس احنا طمعانين انكم كلكم تبقوا معانا
انا عارف رد ناس كتير انا مش فاضى او انا البيت عندى مش بيسمحولى انزل او اسافر ومش بحب البهدله
المرادى الموضوع مختلف خلونا نتفق على حاجه اكيد كلنا بنحب الخير ودى اهم حاجه احنا مش عايزين اكتر من كده احنا فريق جوانا خير
احنا
عندنا مشروع جديد هيبقى فى الاجازه بس كبدايه للمشروع هو باختصار اننا
هنختار قريه وهنحاول على قد منقدر ننميها من كل النواحى توظيف /تدريب على
حرف/ تجميل/ تشجير /حفظ قران/ تنميه هوايات واى افكار جديده ممكن ننفذها
احنا
بس عايزينكوا تشاركوا معانا فى الحلم ده عشان نقدر نحققه و نطلع نموذج
ممكن يتنفذ على مستوى اوسع بعد كده وكل واحد على حسب ظروفه وامكاناته
هنقدر نخليه يشارك معانا فى الثواب ده باذن الله طالما كلنا اتفقنا اننا
بنحب الخير
لو حبيتوا تعرفوا اكتر عن مشروعنا هنتقابل يوم السبت
17/7 الساعه11 فى مقر الجمعيه فى الحى الغربى بجوار الصندوق الاجتماعى
القديم او جوار الرى القديم
مستنيين ناس كتيييييييييير وباذن الله ساعتها هنشرحلكوا الموضوع بالتفصيل وكل واحد يختار الحاجه اللى يقدر ينفذها على حسب ظروفها
وربنا يوفقنا جميعا لما فيه الخير
