وحيد في المنتدي ......alone

ياخ حسن متروح تزاكر انت كمان انا عارفه ان المنتدى عزيز عليك بس الامتحانات اهم هتخلصوا كلكو وترجعو تاني لمنتداكو الغالي باذن الله

‏ ‏

السلام عليكم و رحمه الله و بركاته

و الله يا حسن مش موضوع امتحانات
الناس معرضه عن المنتدي من فترة طويله و الله أعلم بالسبب
و لكن فيه حاجة غريبة .. إذا نظرت إلي قائمة اخر الزوار فيه ناس كتير
و لكن لا يوجد تفاعل و لا مشاركات
فيه بعض الناس تدخل تحمل وتاخد اللي هي عاوزاه من مناهج و غيره و لكن لا أحد يريد المشاركة
و لا أحد يريد اضافة شئ
كله يبحث عن افادة نفسه فقط ثم يرحل
و علي لسان ناس كتير الناس بيقولولي أنا بدخل المنتدي لما اسمع ان فيه حاجة جديده نزلت و بس ها اروح أنزلها و خلاص
و ظاهره غريبه كمان لو واحد زعل من حاجة و مشي من المنتدي بتلاقي انه يقول لكل أصحابه انهم مش يدخلوا تاني
و نفس الكلام لو زميله مش ها تدخل تاني تلاقي كل أصحابها عملوا ذيها بدون سبب
و كانه مفيش مبدأ ... يعني يالا ندخل المنتدي اوكي يالا ... لا أنا زعلت و مش ها ادخل تاني و محدش يدخل يا جماعة
يبقي اوكي أشطه مش داخلين
لكن في الأول و في الاخر كل واحد حر

بس يا عم حسن احنا مش هانقول لواحد واحد تعالي ادخل المنتدي
كل واحد حر يا برنس و لكن أحب أقول لبعض الناس ياريت متنقادوش ورا بعض الناس بدون سبب
و مش حد يقولك متدخلش تقوله ماشي بدون تفكير
و أقولهم ان لو المنتدي فيه مليار عضو مش هايفيدنا في حاجة
و لايضرنا في حاجة
و لو المنتدي فيه كل يوم ألف موضوع جديد مش هايفدنا في حاجة
و لو محدش دخل المنتدي خالص مش هايضرنا في حاجة و لا يقلل حاجة من شأننا
و لا ها يقلل من نجاحنا

كل واحد حر و أتمني التوفيق للجميع
و ربنا يوفق الجميع في الامتحانات
و اسأل أي حد استفاد أي حاجة من المنتدي ..أسأله الدعاء لنا و لاي حد قدر يساعده

‏ ‏

و علي فكره يا برنس فيه مجموعة من الأعضاء بس يتعدوا علي اصابع اليد الواحدة
دول بس اللي بيشاركوا و ينزلوا مواضيع
و طبعا ربنا يبارك فيهم كلهم
لكن المجموعة دي لو حصل عندهم أي ظرف و مش دخلوا مش هتلاقي أي مشاركات وهتلاقي المنتدي فاضي

بجد انا لحظت موضوع يوم لوحدي ده كتير جدا
ادخل واخرج و ادخل تاني ألاقي نفس الناس ارد او ازهق و اخرج ع امل اني ادخل بعد شويه ألاقي في جديد بس لا حياه لمن تنادي
بس بجد بارك الله فيكم انتم واي حد بيفيد و يطور المنتدي