اتاخرت ثلاثة ايام في يوم واحد (قول للغلط لأ)

والله انا مش عارف ابدأ منين لكن في يوم الثلاثاء الموافق ذكري انتصار اكتوبر الاسبوع الماضي يوم نكسة منتخب الشباب كان المفروض كالعادة ان احنا نسافر لبني سويف علشان الكلية بس اخرنا السفر منها ان القطر اتاخر ونسمع الماتش كان من المفترض ان نستقل قطار رقم 81 من محطة المنيا الساعة 8.45 مساءا لكنه وصل الساعة الحادية عشر المشكلة مش هنا طبيعي انه يتاخر أشرف ركب من المنيا وانا لقيته من محطتنا وعلي عزيز من بني مزار وأحمد سعيد من مغاغه ولحد مغاغة كان ماشي عادي لا هو سريع ولا هو بطيئ وبعد مغاغة بدأ الشلل يتحرك خمس دقائق ويقف ساعة وبحسب الموعد الطبيعي لوصوله بني سويف كان الساعة 10.20 مساءا بس القطر وصل الساعة 5.40 صباحا يعني تاخير 7.20 لو افترضنا ان هناك عشر رحلات فقط للسكة الحديد ( وهي اضعاف الرقم ده ) يبقي تاخير 70 ساعة بالقسمة علي 24 ساعة يبقي احنا بنتاخر يوميا 3 ايام هل تعتقدوا انه دا في النقل فقط بل في التعليم والصحة وكل شيئ لا يوجد شيئ سليم في بلدنا فبدل ما الحكومة ما صدعتنا باعلانات قول للغلط لأ يصلحوا السكة والجرارت

اتاخرت ثلاثة ايام في يوم واحد (قول للغلط لأ) 840512623

اتاخرت ثلاثة ايام في يوم واحد (قول للغلط لأ) 742133300

لقد أسمعت لو ناديت حيا *** ولكن لا حياة لمن تنادي
ولو نارا نفخت بها أضاءت *** ولكن انت تنفخ في رمادِ

فعلا عنك حق الموصلات دى بقت حاجه فظيعه تقريبا الواحد بيضيع وقته كله فيها
ده لو كنت مشيت اكيد كنت وصلت اسرع

شكرا يا ابو رمضان والدكتورة سندريلا علي المرور

ايه يعنى لما القطر ياخر سبع ساعات الناس هتموت يعنى

وبعدين انت اتجننت انت عايز الناس تستريح يعنى ولا ايه
وبعدين ده بيعلمك انك تعرف قيمه الوقت
وبالنسبه لاعلانات قول للغلط لا اللى قرفتنا فى رمضان زيها زى اعلانات الضرايب ووزاره البترول ومصر الخير ( اللى حسستنى ان شعب مصر هو اغنى شعب فى العالم وان الفلوس بنرميها فى الشوارع) وكنت بسال دايما ليه كل الاعلانات الحكوميه الكتيره رغم ان المفروض ان فيه ازمه عالميه لغايه ما عرفت ان فيه شركه اعلانات واحده هى اللى كانت صاحبه الاعلانات دى ( ودى طبعا سبوبه للكل)

شكرا يا عم بلاك علي المرور حتي الواحد ييتعلم الصيد قصدي الصبر وممكن يقرا في القطر اللي مش بينور من سنتين بس الاكيد انه الواحد بيحكي لما يزهق ويستمتع بحكاوي اللي حوليه

ياعم احمد الله انك وصلت والقطر مولعش بيك ...............

وبعدين ماانت وصلت بدرى خاااااااااااااااالص اهو عايز ايه تانى ..سبحان الله ياخى.......

ماشي يعم مؤمن بس انا مش عارف هيولع ازاي بقولك مش بينور من سنتين يعني مفيش ماس كهربي بس والله تصدق ممكن يولع من غيظ الشعب

بلادي وان جارت علي عزيزة *** اهلي وان ضنو علي كرام