افطار الايتام الحق وشارك وخد الثواب

اولا كل عام وانتم بخير بمناسبه رمضان واحنا اسره دريم متعوديين كل سنه ف الشهر الفضيل ده ان احنا نعمل يوم افطار جماعي للاطفال الايتام ونجيبلهم لبس العيد وشنط المدرسه , وطبعا السنادي رمضان كله جي ف الاجازه بس الحمد لله الناس طلع عندها استعداد ولمت تبرعات ورتبنا لليوم والجديد ان جمعيه رساله للاعمال الخيريه هتشاركنا اليوم ده وانشاء الله ناويين نجيب 150 طفل يتيم ونجبلهم لبس العيد وشنط ولاوزم المدرسه وهنجبلهم كوتشيات كمان والعاب وفي كمان فرقه عروض من قصر الثقافه جايه تعمل عرض وانشاء الله اليوم هيبقى ف حمام النادي الرياضي وكل اللي عاوز يشارك معاه لغايت يوم الحد عشان نلحق نبلغ المطاعم ونعمل حسابه ف الوجبات وهيبقى تكلفة الاشتراك 20 جنيه شامله الوجبه وجزء صغير منها تبرع , واللي عاوز يشترك يراسلني على الخاص

وكل سنه وانتم طيبيين وربنا يقدركم على فعل الخير

كابتن كابتن انا يتيييييييييييييييييييييييييم  ممكن  اجى

هههههههههههههه انتا تيجي تنور يا شوقي , هات بس الظرف اللي مدهولك تجيب فيه تبرعات وهات 20 جنيه وانتا جي

أية دة تبرعات اية ياكابتن دة انا يتيم مش انتوا الى هاتدونى تبرعااااات 

طيب ما تيجي ايه اللي مانعك ؟؟
حتى اللي عاوز يجي ممكن يفطر ف بيته عادي ويجيلنا يحضر معانا اليوم بعد الفطار