born to succeed عضو ماسي
عدد الرسائل : 680 العمر : 36 تاريخ التسجيل : 27/02/2009
| موضوع: المصري الخميس سبتمبر 03, 2009 4:33 am | |
| إزاي تعرف المصري, حقائق خطيرة كيف تعرف المصري؟ المصري هو اللّي - بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد
- بيحط الريموت كونترول في كيس بلاستيك كعادة فرعونية
- يقف يتكلم على الباب نص ساعة بعد إنتهاء الزيارة والسلام
- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
- ييجي بعد معاده بساعتين ويفتكر إن ده عادي
- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
- عنده صينية مكسرات متقسمة لتلات او أربع أقسام لزوم المزاج وعمره ماإستخدمها
- ممكن يعدي التلا تين ولسه عايش مع أمه وأبوه وماعندهومش مشكلة
- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش
- بيكون عنده شواية لزوم الرحلات أقصى استخدام لها كان مرة واحدة في العيد
- بيشيل طابع البريد من على الظرف لو الختم ماكانش عليه
- بيفتكر إن أي حد بيشتغل في الخليج بيغرف فلوس من غير حساب
- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه
- برده بيتخانق ساعة دفع الحساب بحرارة شديدة على إنه هو اللي لازم يدفع
- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا
- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه.
م ن ق و ل
بس اللي كتبته ده مش علشان نضحك على بعض
علشان نعرف عادتنا و ان احنا طيبين | |
|
bosy cat قـطـة الـمـنـتـدي
عدد الرسائل : 1785 العمر : 33 تاريخ التسجيل : 05/03/2009
| موضوع: رد: المصري الخميس سبتمبر 03, 2009 5:21 am | |
| ههههههههههههههههههههههههههههههههههه طبعا يا بنتى هو المصرى شويه ده كفايه ان الاستاذ سعد الصغير غنى ليع انه علطول بيجيب اجوان | |
|
محمود رمضان النجم الساطع في سماء الموقع
عدد الرسائل : 2596 العمر : 36 تاريخ التسجيل : 28/02/2009
| موضوع: رد: المصري الخميس سبتمبر 03, 2009 10:38 am | |
| | |
|