born to succeed
عضو ماسي
عدد الرسائل : 680
العمر : 36
تاريخ التسجيل : 27/02/2009
 | | موضوع: حوار يقطع القلب ....منقووووووووووول الخميس أغسطس 06, 2009 7:56 pm | |
| بسم الله الرحمن الرحيم
إليكم هذا الحوار .....
أنا : أسمك بالكامل
هو : مش عــــــــــــارف
----------------------------------------------------------------------------------
انا : عنــــوانـــك
هو : اى رصــــــيف فى الشارع
----------------------------------------------------------------------------------
انا : نوعــــك
هو : ولد أو بنت مش هتفرق كلنا بنتعامل نفس المعاملة
---------------------------------------------------------------------------------
أنا : اسـم أبــــــوك .... ؟
هو : ممكن يكون أى عضو فى منتداكم ابنه تـــــاه أو أتــــخطف
---------------------------------------------------------------------------------
أنا : طيب أمــــــك ... ؟
هو : ممكن تكون واحدة غلطــــت .. وخـــافت .. فرمـــتنى
-------------------------------------------------------------------------------
أنا : مين أصــحابك .... ؟
هو : بلية و اللمبى و حنتيرة ... اللى أنت شايفهم فى الصورة ديه
أنا : هما بيعملوا أيه فى الصورة ديه
هو : ديه قعدة كلة و سجاير .. بنشمها علشان منتوجعش و ننسى همومنا
-------------------------------------------------------------------------------
أنا : فيه حد بيساعـــدك ... ؟
هو : لأ .. قليل قوى ... أنا بشوف الأعلانات و الحملات علشان الأيتـــام .... بس ناسيين أطفال الشوارع ... هو احـنا مـش أيتام برده ...
-----------------------------------------------------------------------------
أنا : طيب رمضان داخل و أكيد فيه خير كتير بيجلكم
هو : والله الناس بتــطردنا من موائد الرحمن ..... بيــقرفوا مننا .. هو مش المفروض الاكل ده لينا .. ولا علشان العمال و أصحاب المحلات و الناس اللى مش بيلحقوا يروحوا بيتهم
أنا : حسبى الله ونعم الوكيل
--------------------------------------------------------------------------------
ملحوظة : نقلاً عن جريدة الأخبار .... مصر تستورد بـ 150 مليون جنيه أكل قطط و كلاب ... سأتحدث عن مصر فقط منعاً للحساسية ... فهى وطنى و أنا اعاتبه
انا :بس أنت طفل شارع فى منطقة راقية زى ديه .. أكيد الأغنياء هنا بيساعدوكم
هو : (بيضحك )
أنا : بتضحك ليه ..
هو : أصلى بشوف الناس هنا بيشتروا علب اكل للقطط و الكلاب بتاعتهم ..... والله علب شكلها حلو قوى ... يعنى لو حد منهم أدهالى مش هقول لأ ..
---------------------------------------------------------------------------------
أنا : طيب بتاكل منين ..؟
هو : الحمد لله .. مش بحسبها ... وزى ما حضرتك قلت فى الموضوع الأولانى أن الزبالة فيها وجبات كفاية لينا
--------------------------------------------------------------------------------
أنا : طيب كويس انك بتاكل ...فين ناس فى أماكن تانية بتموت من المجاعات
هو : هما بيموتوا مرة واحدة .... أحنا بنشوف الموت بعنينا كل يوم ...
-------------------------------------------------------------------------------
انا : نفسك تطلع أيه .. ؟
هو : انا مليش أختيارات ... أنا مصيرى معروف
------------------------------------------------------------------------------
انا : ايه أكتر حاجة لما تسمعها بضيقك ....
هو : لما بسمع عن فلوس الســينما
انا : فلوس أيه ... قصدك أيــــرادات الأفــلام ....
هو : اه .. اصل الواد حنتيرة بيعرف يقرا .. وبيقولنا أن الفيلم بيعمل فى الأسبوع بتاع 10 مليون جنية ......... ده الرقم ده يحل مشكلة أطفال الشوارع كلها
أنا : يااااااااااااااااااااااااااااااااااااه .. ده انت فيلسوف .. أزاى ماجاش فى بالى الموضوع ده
------------------------------------------------------------------------------
أنا : أيه أكتر مشهد بتشوفه بيوجعك ...
هو : لما بشوف أب ماسك أيد أبنه ...
ولما الناس بتطلع بأكياس كتير مش قادرة تشيلها من السوبر ماركت .....
لما أشوف زحمة العيد والناس بتشترى هدوم لولادها ....
لما الشتا والمطر ينزل والناس بتجرى على بيوتها بس أنا مبعرفش أجــــــــرى فين
ولما .............................................
أنا : (قاطعته ..) كفاية كفاية والله وجعت قلبى
--------------------------------------------------------------------------------
هذه الصورة للبلطجى الذى اغتصب وقتل أكثر من 20 طفل فى مصر
أنا : طيب نساعدك أزاى .. تاخد فلوس ؟
هو : لأ .. لأ ... لأ
أنا : مالك فيه ايه
هو : الناس فاكرة انها بتدينا أحنا ......... الفلوس ديه بيلمها منا بلطجى ..... وكل منطقة ليها واحد مسيطر عليها
-----------------------------------------------------------------------------
أنا : طيب تحب الأعضاء فى المنتدى يساعدوك أزاى ... أن هوصل صوتك ليهم
هو : يساعدونا بأى حاجة نـــاكلها ... لقمة نضيفة وخلاص
يساعدونا بأى لبـــس قــديم عند ولادهم ... يستر جسمنا
يساعدونا ببطــــانية مقطــــعة علشان الشتا
يساعدونا بفلوس بس مش كتير حاجة بسيطة قوى ... علشان البلطجية بيضربونا لو مجبناش إيراد
يساعدونا بدعوة من قلبهــــــــــــم
--------------------------------------------------------------------------------
وجدته يتوقف عن الكلام و دموعه تلمع فى عينيه ...
أنا : مال فيه إيه ...
هو : ..................
-------------------------------------------------------------------------------
اختنق صوته وتكلمت دموعه ...... بكى و انتفض جسده الصغير
يااااااااااااااااااااااااااااااااااااااااااااالله
عجزت عن التماسك وأنهرت باكيا
احتضنته بكل قوة (تناسيت رائحته المقززة .. والأوساخ التى تعلو جسده ) .....
بكينــــــــــــــــــــــــــا معا .... وأصدر هدير بكائنا لـــــحن الألم وقسوة البشر
أنتهى الحوار ولم تنتهى المأساة
أطفال الشوارع لن أنساكم و لن تموت قضيتكم | |
|
محمود رمضان
النجم الساطع في سماء الموقع
عدد الرسائل : 2596
العمر : 36
تاريخ التسجيل : 28/02/2009
| | موضوع: رد: حوار يقطع القلب ....منقووووووووووول الخميس أغسطس 06, 2009 11:18 pm | |
| انت مش هتنساهم
ولا احنا هننساهم
بس المجتمع ناسيهم ومحدش بيفكر فيهم
لانهم في نظرهم ناس لا تستحق العيش
انا وانا باقرا كلام حضرتك افتكرت موقف لسيدنا عمر مع المرأة الفقيرة
اللي كانت بتسخن ماء في القدر على اساس انها بتنضج طعام لاولادهم لحد ما يناموا من الجوع
ولما عرف بحالها سيدنا عمر لانه كان بتفقد امور الرعية ذهب لبيت المال واتى لها بالطعام والدقيق
احنا بنطلب منهم ما يمروش يشوفو الرعية لانهم موجودين في الشارع اهم قدام الاعمى
مين يسال فيهم ...................؟
سؤال قد نعرف اجابته لكن الواقع يجهلها
| |
|
born to succeed
عضو ماسي
عدد الرسائل : 680
العمر : 36
تاريخ التسجيل : 27/02/2009
| | موضوع: رد: حوار يقطع القلب ....منقووووووووووول الخميس أغسطس 06, 2009 11:31 pm | |
|
وفين دلوقتي سيدنا عمر
؟؟؟؟؟؟؟
شكرا د. محمود على ردك
| |
|
أمة الرحمن
عضو ماسي
عدد الرسائل : 2909
الموقع : vetbns.yoo7.com
تاريخ التسجيل : 09/03/2009
| | موضوع: رد: حوار يقطع القلب ....منقووووووووووول الجمعة أغسطس 07, 2009 5:05 am | |
| - born to succeed كتب:
أنا : طيب تحب الأعضاء فى المنتدى يساعدوك أزاى ... أن هوصل صوتك ليهم
هو : يساعدونا بأى حاجة نـــاكلها ... لقمة نضيفة وخلاص
يساعدونا بأى لبـــس قــديم عند ولادهم ... يستر جسمنا
يساعدونا ببطــــانية مقطــــعة علشان الشتا
يساعدونا بفلوس بس مش كتير حاجة بسيطة قوى ... علشان البلطجية بيضربونا لو مجبناش إيراد
يساعدونا بدعوة من قلبهــــــــــــم
لا حول ولا قوة إلا بالله
طبعا الطفل ده رمز لأطفال كتير
ما يعرفوش معنى الطفولة
لأنهم ما عاشوهاش
و بالرغم من كده الطفل
ماشاء الله عليه
عنده قناعة
و مطالبة في الحياة
بسيطة جدا
ربنا يعيننا ان احنا نقدر
اخواننا الصغار دول
و يغفر لينا تقصيرنا معاهم
و نظرة معظمنا ليهم
و جزاكي الله خيرا يا بورن
على الموضوع الرائع ده
و يا رب يكون حافز لينا
ان احنا نعمل حاجة
ويكون ده في ميزان حسناتك إن شاء الله
| |
|
born to succeed
عضو ماسي
عدد الرسائل : 680
العمر : 36
تاريخ التسجيل : 27/02/2009
| | موضوع: رد: حوار يقطع القلب ....منقووووووووووول الجمعة أغسطس 07, 2009 3:20 pm | |
|
شكرا لا اله الا الله على ردك
ربنا يعيننا فعلا ان احنا نساعدهم
بس في الواقع ان لما حد فيهم بيقرب مننا بنبعد عنه و بنخاف منه
ربنا يقدرنا و نحاول نساعدهم على قد ما نقدر
| |
|
