اتحاد الطلاب(ياريت الكل يشارك)

بسم الله الرحمن الرحيم

بصراحه صعب عليا منتدى الاسر واتحاد الطلاب انه فاضى ومش لاقى حد يعبره
مع ان المفروض انه يكون اكتر واحد شغال
بس مش مشكله

المهم

طبعا كلنا فاكرين(وبالذات سنه رابعه) اللى حصل الترم الاول بسبب الاتحاد وتعيينه
والمشادات الكلاميه اللى حصلت فى المدرج لان كل واحد كان عايز يعبر عن رايه والتانى مش سايبله فرصه
قدامنا هنا ساحه المنتدى علشان نعبر فيها عن راينا
ونقول ايه الحلول الممكنه من وجهة نظرنا لان اكيد المشكله دى هاتتكرر السنه الجايه(طبعا فى ظل اللايحه التعجيزيه الغريبه اللى هما حاطينهالنا)

وياريت نتكلم بموضوعيه

ياترى انت شايف نقاطع التحاد السنه الجايه(باعتبار انه مالوش لازمه ومافيش حد معترف بيه الا البعض من بتوع الاتحاد نفسه_يعنى مش كلهم كمان_وانه لابيقدم ولا بياخر واكبر دليل اللى حصل السنادى)
ولا نشارك فيه(يمكن نعمل حاجه ونجبرهم_الكبار يعنى_ انهم يغيروا النظام الغريب ده)

السلام عليكم ورحمة الله وبركاته
انا من رايي منفكرش في خالص ونسيبها لله

وحلينا بقى على ما تيجي السنة الجاية
يا اما هما يكونوا ماتو
يا احنا نكون متنا
يا الاتحاد هو اللي يكون مات
ومسالة نقاطع او منقطعش
يعني هو الاتحاد هيعمل ايه
كل اللي بيعملو كلام فارغ في كلام فارغ يعني من الاخر
تهييس تحت اشراف السيد الرئيس
واللي مش مصدق يسال بيعملو ايه بتوع الاتحاد
اسف للاطالة في الرد
وربنا يجعل كلامنا خفيف عليهم

شكرا يادكتورة علي طرح الموضوع الجميل ......... انا من رايي المتواضع ان الاتحاد ده عامل زي انتخابات مجلس الشعب كل واحد عايز يمسك الكرسي فتره عشان هايمشي بعد فتره

بس الصراحه تتقال ان السنه دي فيه شغل تاني خالص يعني محمد مصطفي عامل شغل تاني بجد ومحمد والشهادة لله مش بيستغل المنصب ده في اي حاجه ولا في اي مصلحه شخصية .. مع انه امين اتحاد الطلاب في الكلية والجامعه....... عارفه ياشيرو انا كتير بروح معاه الجامعه وبشوف المعامله الخاصه اللي بيتعاملها عشان جهوده الكبيرة... مفيش فرق بينه وبين اكبر عضو في ادراة الجامعه
يعني كل اللي فات حاجه ومحمد بجد حاجه تانيه هو غير كتير في الكلية والجامعه والمدينه بس للاسف عشان هو مش بيحب يظهر محدش بياخد باله من الجهود دي ... واحنا عشان جري العرف بينا اننا ميعجبناش اي امين اتحاد في اي سنه عشان بيكونوا وحشين .. فابالتالي مش حاسين بشغل محمد

عارفه انا لما كنت في قنا مره كده معدي علي شئون الطلاب ببص لقيت لوحه متعلقه باسماء الطلاب بتوع الاتحاد سالت امته حصلت الانتخابات قالولي اسكت ياغلبان انتخابات ايه صلي عالنبي وعرفت ان العمليه سلطه بس هنا في بني سويف احسن من غيرنا بكتير

وعلي ما اعتقد يعني ان بني سويف مش هاتجيب امين اتحاد طلاب زي محمد وكفائته
ربنا يوفق الجميع

شكرا ليك يا د.محمود
بس بيتهيألى اننا لازم نفكر فى حاجه زى دى من دلوقتى قبل مانلاقيها فوق دماغنا السنة الجايه
علشان ده حقنا(الانتخاب والمشاركة)
واول خطوة لضياع كرامة الانسان انه يقبل يفرط فى حقه
شكرا على المشاركه

شكرا على ردك يا د.محسن
بس انا مش باتكلم عن فرد بعينه
انا باتكلم عن حق كل واحد فينا فى المشاركه والانتخاب
وبعدين يا د. محسن الجهود الجباره اللى انت بتتكلم عليها دى بره كليتنا وماشوفناش منها حاجه(الا شوية ورق بيتوزع)

وبعدين مافيش حاجه اسمها احنا احسن من غيرنا
ياجماعه احنا كده هانفضل محلك سر لا بنقدم بس غالبا هانتأخر

وزى مانت قولت كده الانتخابات دى زى مجلس الشعب وزى اى انتخابات تانيه فى العالم
يعنى لو احنا ماتعلمناش ننتخب ونطالب بحقنا من دلوقتى يبقى عمرنا ماهنطالب بيه
ويبقى معاه حق بقى رئيس الوزراء انه يقول ان الشعب المصرى غير ناضج سياسيا(الكلمة دى نرفزتنى جدا)

وكفايه كده علشان شكلى دخلت فى الممنوع

شكرا على المشاركه

اسف اني رديت متاخر كده

بصي ياانسه شيرو انا مقتنع ان مفيش اتحاد كويس علي مدار التاريخ بس السنه دي الصراحه تتقال والحق لازم يتقال وهاقول اللي شفته بعنيا
وبعدين ياستي فيه حاجات كتيراتعملت السنه دي محدش بيحس بيها وكمان كل الجهود بتاع السنه دي مش هاتحسي بيها الا بعد سنتين تلاته عشان تكون لحقت اتنفذت

هاقولك شوية حاجات بسيطه من اللي شفتها بعنيا مع محمد والاتحاد بتاعه

اول السنه خالص كان فيه مشكلة المدينه الجامعية اللي في الشرق دي وطلبه كتير مسكنتش وقدمت التماسات .. اول مرة في السنه دي يتوافق علي كل الالتماسات دي والناس تسكن وتنبسط

السنه دي برده محمد طالب بانشاء كنتين في المدينه وفعلا حصل ومين اللي هايشتغل في الكنتين ده؟؟؟ طلاب من اللي ظروفهم تعبانه شوية يعني تكافل اجتماعي كمان

والاول كمان كانت الناس بتخرج تصور ورق بره ... دلوقتي محمد جاب ماكينات تصوير في المدينة واللي اشتغل عليها طلبه برده

وموضوع كمان يحسب للاخ محمد واتحتده ... فيه فنره جت المدينه وعملوا مشاكل علي الاكل واتحجب وبقه اكل اي كلام ... الاخ محمد لقيته اعترض ورجع وجبات الفراخ واللحمه تاني

ايه تاني يااابو المحاسييييييين ....... اه افتكرت ... في اي مدينه في مصر الطالب اللي يغيب ملوش اكل .. لا محمد اتكلم مع رئاسة الجامعه والمدن الجامعيه وخلي للطلاب اللي تتغيب تكتب ورقه ويصرفو الاكل عادي جدا (( ودي اول مره تحصل في مصر ))

ده بالنسبه للمدينه الجامعيه

في الكلية بقه .. عدالة التوزيع ..يعني اول السنه الطلاب اللي مقدروش يندفع لهم المصاريف .. محمد خلي الكلية تدفعلهم المصاريف .. ودي حاجه تانيه غير الدعم خااااااالص ولو تفتكروا موضوع المهرجان الخيري اللي اتعمل وناس كتير من الكلية راحت واشترت ملابس باسعار منخفضه جداااااااا

محمد عمل حاجه اسمها برلمان الجامعه,,,,,,,,, اي طالب عايز يتكلم ويشارك يتفضل وده لاول مرة
انا كنت بمشي معاه كتير وبشوف كمية التليفونات اللي بتجيله وكلهم طلاب من الجامعه لانه كان كاتب رقمه في لوحات في الجامعه ويفطات كتيره عشان الناس تعرف توصله ويحللهم مشاكلهم وكان فعلا بيحل المشاكل دي.........

المظاهره والتضامن اللي نظمه لغزه وجاب رئيس الجامعه والدكاترة ووقفوا مع الطلبة

الاسبوع اللي فات لو حضرتك تفتكري يوم الاربع بالظبط ... الاتحاد استضاف الدكتور احمد عمر هاشم برده بدعوه من الاتحاد وده لاول مره

ويوم الاربع اللي هو بكره فيه حاجه اسمها المهرجان الشعري الاول وفيه ناس شعراء كتير موجودين وفيه طلاب كتير هايشاركوا
وطبعا ناس كتير هايفوزوا لاني مش هاكون موجود عشان هسافر هههههههههههههه

ولاول مره فيتاريخ جامعة بني سويف... تم انشاء مكتب كامل عن اتحاد الطلاب فيه stuff عمل كامل وده موجود في الدور الارضي لكلية الحقوق

محمد اتقدم بطلب جامد جدا لرئاسة الجامعه وهو انهم يتفقوا مع شركة نقل عشان تنقل الطلاب من موقف محيي الدين الي الجامعه والكليات
بسللاسف شكرة النقل طلبت حوالي 700 جنيه في اليوم والجامعه موافقتش طبعا

اول السنه دي محمد عمل رابطة مصريين بلا حدود لاسر الجامعه

وانا اعرف ان محمد اختاروة انه يكون أمين عام جامعات الصعيد ومدير توصيات جامعات مصر يعني المتحدث الرسمي لجامعات مصر
وده مش من فراغ لا ده عشان الشغل والانجازات اللي حصلت في تاريخ اتحاده

وقريب ان شاء الله اسمع انهم هايعملوا المهرجان الخيري علي مستوي الجامعه وفيه دورة اسعافات اولية . وحاجه سمها تنفيذ نموزج جامعة الدول العربية ببرلمان الجامعه

انا تعبت من الكتابه الصراحه

تعرفي ان شعار الاتحاد السنه دي هو ((( مصريين بلا حدود جامعيين بلا قيود ))))

الصراحه ياجماعه محمد ده مش ابويا ولا اخويا .. لا كل الموضوع اني شفت الحاجات دي بعيني .. ولو حضرتك عايزه اي طلب او نشاط اقترحيه علي الاتحاد وشوفي...

والاتحاد السنه دي مش هاتشوفوا زيه بجد والله مش هاتتكرر تايني في تاريخ بني سويف اللي حصل السنه دي

لا اله الا الله

اللي اللقاء

ايه ده كله يا د.محسن
ماكنتش أعرف انى ضربت على وتر حساس بالشكل ده

يا دكتور انا مش باتكلم على شخص معين(زى ماقولت قبل كده)
وبصراحه الكلام اللى حضرتك بتقوله ده انا أول مرة أسمعه(لانى ماشوفتش حاجه فى كليتنا)

وعموما

لو حضرتك تقرأ الموضوع الاساسى هاتلاقى انى ماتكلمتش على اشخاص
بالعكس انا بركز على الحق مش اكتر ولا اقل
حقى انا وانت و حق كل الطلبه اللى متاكل فى موضوع الاتحاد دة وازاى نقدر نرجعه

يعنى هاضربلك مثل بسيط جدا(وياريت ماتتخدش على شخص بعينه)
زيد بن عبيد اللى قعد على كرسى مجلس الشعب فى الدايره بالكوسه(يعنى من غير انتخاب) وعمل مجهوووود جامد جدا..بجد مش تريقه(برضه مش باتكلم عن شخص بعينه)
كده هاتحس انك اخدت حقك على الرغم من ان الانتخابات اتزورت او حتى ماتعملتش خالص؟؟؟؟؟؟

يا دكتور انا مايهمنيش زيد بن عبيد أنا اللى يهمنى حقى

انا باقول الكلام ده علشان ابين وجهة نظرى مش اكتر...ولولا كده ماكنتش هارد لانى حاسه ان الموضوع قلب شويه

وعموما الاختلاف فى الرأى لا يفسد للود قضية

ههههههههههههههه ياست شيرو ولا انا كان قصدي اتكلم عن شخص بعينه انا مليش دعوه بحد انا كمان بس انا اتكلمت باسم الشخص ده عشان هو بيمثل الاتحاد بتاعه يعني مشم عني كلامي انه هو لوحده اشتغل والاتحاد نايم... لا طبعا ده كل اللي اتحقق ده حصل من كل افراد الاتحاد..
وشدي حيلك كده ورشحي نفسك في رئاسة الاتحاد الجاي وهاننتخبك وورينا شغلك بقه وانجازاتك
ربنا هايوفقك ان شاء الله

يا د. شيرو الدكتور محسن لما بيتكلم عن محمد مصطفى مش بيتكلم عليه على اساس انه صاحبه
لكن بيتكلم عن امين الاتحاد
و بيتهيألي انه يعتبر ممثل الاتحاد و لما يذكر اسمه يبقى يقصد الاتحاد كله
و بصراحة انا شايفة انك متحاملة جدا على الاتحاد رغم كل المجهودات اللي حصلت لاول مرة في الجامعة
و بعدين لو انتي رغم كل دة لسة شايفة ان الاتحاد مقصر في حق الكلية معلش استحملي و اديله فرصة
دة أول الغيث قطرة زي ما بيقولو

علي فكرة المنتدي دة مية مية
فكرة روشة طحححححححححححححححححن
والموضوع دة مثير موووووووووووووووووووووت
وانا ليا اراء خاصة بيا يا شيرو
انا معاكي في اللي قولتية
اللي ملوش خير في كليتة مالوش خير في اي حااااااااااااجة
وعايزة اعرف انجازات اية اللي أبو المحااااسين بيقول علية
هوعارف قبلة معني الإنجازات ايييية
انا واحدة باجي الكلية كل يوم وماشوفتش نجوزة واحدة (تصغير إنجاز)
هو انا مابشوفش ولا ايه
دةمش تحامل ولا حاجة بس دى الحقيقة المرة اللى باينه قوووووووووووى
ياللا باااااااااااااااااااااااااى

على فكرة كل اللى قالوا د/ محسن تمام فعلا السنة دى الاتحاد يشهدلة بانجازاتة بلا مجاملة

شكرا يااخ مهاجر على رايك الجرئ دة بس انا عايزة اقول رايى بصراحة بانسبة لى انا مش معترضة عليك كشخص ماعاذ اللة انا ا
مستغربة موقفك لما اتشطبت ناس من الاتحاد بحجة ان مالةمش نشاط او عليهم جاازات وبكدة قل عدد
المرشحين وانت قولت علينا سلبييييييييييين بس ما حقتش الحق ودافعت عن الناس اللي اتشطبوا بدون اى وجة حق
وبعد كدة بتقول ياجماعة ساعدونى نعترف ازاى بيك وانت مفروض علينا ولا حتى ازاى نشاركك
وبعد كدة فينك من كليتك ما عملتش اى حاجة فيها
عموما ممكن ننسى اللى فات ونبدا من جديد بس ياريت تثبت حسن نيتك وتحاول تشوف حل فى المصلية بتاع البنات
وربنا يةوفقك وياريت ما تخدش كلامى بحاسسية

بصرااااااااااااااااااحه
هى منظومه اتحاد وطلاب واداره
وانا فى وجهه نظرى مافيش حد ينفع يشتغل لوحده واعترف ان كليتنااااااااااا ينقص طلابها المشاركه والايجابيه نفسى اعرف خايفين من ايه محدش عاوز يشارك او يقدم حتى حبه تنازلات
طب حد يرد علييياااااااااااااااااااااااا
هو ينفع نحضر كل المحاضرات والسكاشن ونرفض نشااااااااارك فى اى نشاط ونيجى بعد كده نقول اتحاد بايظ وكليه مخروبه و.............

انتظرووووووووووووووووووا
مفاجاة يوم الاحد
اتجاهات معاصرة فى تطوير اداء خريجى الطب البيطرى
وبلغونااااااااااااااا برايكم لانه يهمناااااااااا

اييييييييه ده كله...اييييييه ده كله
انا اسفه بجد انى اتاخرت فى الرد عليكم بس ده كان لظرف خارجه عن ارادتى

المهم...شكرا لكل اللى شاركوا برايهم فى الموضوع(ايوه يا جماعه هيه دى الايجابيه)
شكرا ليكوا كلكوا:

born to succeed

ROSHAA TAHN

elmohager

EL-KLAWY

عاشقة الشهادة

M.A.Y

بس انا عندى شوية تعليقات ( وخصوصا على مشاركة المهاجر):

انا مش معاك فى نقطة ان صوتنا مبحوح لان اللى عايز يعلى صوته بيعليه وبيوصل لعنان السماء
وعلى فكرة صوتنا بيوصل وبيوصل (قوى) كمان وساعتها بيعمل دبكه جامده بس المهم ثقتك بربك وبنفسك وبعدالة قضيتك
وزى ما بيقولوا (ما ضاع حق وراؤه مطالب)واكيد المقوله دى ماجتش من فراغ

اما فى موضوع السلبيه ده فانا مابنكرش انها منتشرة ..ومنتشرة جدا كمان....وكلنا عارفين ليه بس يمكن بنضحك على نفسنا..الشعب المصرى غلبان ومطحون وكل واحد فيه بيدور على لقمه عيشه وعلى فرشه تلمه هوه واولاده(من غير مرمطه ولا زوار ليل) وطبعا ربنا يخليلنا الحكومة
وابسط صور السلبيه اللى ظهرت السنادى –وللاسف- ظهرت من مدعى الايجابيه(طبعا اقصد بتوع الاتحاد اللى سكتوا على الشطب والتعيين مع انهم كانوا اقدر ناس على حل المشكله دى لو اعترضوا بصوت عالى... بس يا خسارة)

اما عن موضوع نسينا نشاركهم المسؤولية ده فاظن ان عاشقة الشهادة ردت عليه(اوعدنى ان انتخابات الاتحاد تتم بشفافيه على الاقل لسنتين متتاليتين..وانا احلفلك باغلى حاجه عندى انك هاتلاقى مشاركه عاليه من الطلبه...بس للاسف احنا شعب مكبوت ومقهور وبناخد على دماغنا وبنسكت)

وعلى فكرة جميل قوى حلمك فى ان يبقى عندنا القدرة فى اختيار المسؤول وتحديد مصيرنا(اذا كنا مش عارفين نعملها واحنا طلبه ..امال تفتكر هانعملها امتى؟؟؟) عموما انا باحلم معاك...لأ..وبحاول آخد خطوة ايجابيه ولو بمجرد بصوت(حتى لو كان همسه فى منتدى طلابى)

وعموما انا باشكرك وباشكر كل اللى بذلوا مجهود فى النشاطات اللى اتعملت فى الجامعه (اللى د. محسن بيقول عليها لان انا ماشوفتهاش)
وبرضه باشكر كل اللى بذل مجهود فى الدورة اللى اتعملت فى الكلية(سمعت عنها كلام تحففففففه بجد ..بس للأسف ماقدرتش اتابعها بسبب ظروف خاصه)

وربنا يوفقكوا لكل اللى فيه الخير لكليتنا اولا ثم الجامعة(كليتنا اولى بينا)

وفى النهايه بقدم نصيحه شخصيه لاى شخص ممكن يفكر يسيب بلده....أرجوك ماتيأسش من أهلك وناسك..بلدك محتاجه كل دراع وكل وصوت ...لأ..وحتى كل نفس بيتردد فى صدر كل مصرى حر

وشكرا

السلام عليكم ياجماعة
اسمحولي اعلق ع اللى مكتوب
اولا بشكر د.محسن على توضيحة للى عملة امين الاتحاد ف الجامعة لاني بسراحة
مكونتش اعرفة وواثقة ان كتير زيى كده بس نفسى ياد.محسن تسال امين الاتحاد
سؤال بما ان الواضح انكم اصحاب كدة لية اللى اتعمل فى مدينة الاولاد من كانتين
ومكنة تصوير ما اتعملش فى مدينة البنات ولا احنا ولاد البطة السودا؟
وسؤال تانى لو سمحت ليه النشاطات كلها في الجامعة مش فى كليتة انا باسمع
انهم بيقولوا الاقربون اولى بالمعروف ولا ايه؟
وسؤال كمان عشان خاطري واستحملنى شوية لان السؤال ده ليك وليه
ليه لما د.شيرو طرحت الموضوع للمناقشة زعلتوا وبدات ياد.محسن تدافع عن امين الاتحاد
زي ما يكون متهم مع ان عرض الموضوع كان عن التحاد ككيان كامل مش شخص واحد وبردوا
رد المهاجر واللى فهمتوا من كلامه انه هو الامين بردوا رد بزعل واعتبرنا ناكرين للجميل والله قوله مكوناش نعرف
لان احنا فى طب بيطرى مش ف الجامعة وقوله كمان انت قولت مفروض نحاسب المسؤل بس بايجابية
ومن المنطلق ده بنتكلم ونسالك عملت ايه فى الكلية ومتتكلمش عن الندوة اللى اتعملت لاننا عارفين انها
اتعملت باللجنةالثقافية واحب اقولك اني مختلفة معاك ف الحتة دي لان الاتحاد كيان كامل مش شخص واحد
يعني مينفعش لو الاتحاد فشل في عمل شئ معين نقول السبب امين الاتحاد مش عارف حاجة وميستاهلش المكان اللى هو فيه
ولو الاتحاد نجح فى حاجة نقول الله على امين الاتحاد لولاه مكنشى يبقى في اتحاد ولا كان فى قبله ولا هييجى بعده.ياريت نفهم
معني كلمة اتحاد ولا هى كلمة هيروغيليفية محدش عارف معناها.من الواضح كده ياجماعة ان بتوع الاتحاد مش ف اتحاد (يا قلبى لا تحزن)
ومتنساش ياد.محسن تقوله على مدينة البنات الله يكرمك.واسفة لو طولت عليكم

ياجماعه للمرة المليون انا لما اتكلم عن شخص ده يعني اقصد الاتحاد كامل
وبعدين الانجازات في الكلية............ مين قالكوا ان مفيش حاجه حصلت للكلية ...بس ياجماعه فيه حاجات حصلت مينفعش تتقال علي الملأ كده

انا هاضرب مثل صغنن اوي من اللي اتعمل

الأخ امين الاتحاد جاب دعم ل 80 طالب في الكلية دعم فلوس وملابس واكتر من كده في الجامعه ولو تفتكروا ايام ماكانوا بيوزعوا الملابس علي الطلبه دي اول مره تحصل

المشكله اننا نايمين ومش حاسين باي حاجه بتتعمل وكل واحد عايز النفع والفائده تعود عليه هو كشخص مش علي المصلحه العامه

انا قايم دلوقتي وهاكمل بعدين

شكرا على اهتمامك بالرد على توتا بس ياجماعة احب اوضح اننا هدف واحد ومصلحة واحدة المفروض
وخسارة اووووووووووووووقى ان الموضوع اتحول بالشكل دة اولا الاتحاد لما يعمل حاجة دى مش منة ولا تفضل دى المسؤلية اللى هم اختروها بل اجبرونا على قبولها واضح كلامى طبعا وياريت نفتكر كلكم راعى وكلكم مسؤل عن رعيتة شوفوا الكلام دة قاله نبينا لما تكون الحاجه موكله اليك مابالك بقى لما تاخدها عنوه وتحاول تفرضها على الناس تبقى السؤلية عمله ازاىىىىىىىىىىىىىى وياريت االاخ المهاجر يفكر فى كلامى وياريت ماتسالش عن رضا الناس خلىىىىىىكل غايتك ربننننننننننننننننااااااااااااااااااااا ويارب يرضى عنا وعنكم امممممممممممممممممييييييييييييييييننننننننننننننننن

نظرا لشعبية الموضوع واختياره من ضمن الموضوعات المميزة ان شاء الله فقد تم تثبيته .. مع خالص تحياتي

جزاك الله خيرا يا د.محسن على تثبيت الموضوع..لأن(على الأقل من وجهة نظرى)الموضوع ده مهم جدا
بس للأسف الناس خدته على محمل شخصى..وبالتالى زعل ناس

وعموما بيتهيألى ان الخناق (أقصد النقاش )بسبب الموضوع ده انتهى
واتمنى ان الناس بقى تفكر بقى بايجابيه وبروح الحب لكليتنا
وادينا دلوقتى .. بتوع الاتحاد خلصوا نشاطهم وماعدش فيه حد يزعل مننا لما نتكلم على الاتحاد وتعيينه

ياريت بقى كل واحد يقول رأيه احنا ممكن نعمل ايه فى الموضوع ده وازاى ناخد حقنا

للأسف كان نفسى أشارك فى الموضوع و أقول رأيى

بس على رأى شيرو الخناق اتقفل

كل تحياتى لدكنورة شيرو

(ياما نفسى أعرف انتى مين وإن شاء الله هجيبك كلها أيام!!!!!!!!! :!:

انا بحب محمد مصطفى جدا وليه انجازات هائلة بس انا مع د : شيرو لان مفيش انتخابات يعنى مفيش حرية الانتخابات هى انا انا احس ان انا بشارك فى صنع القرار ومش هاعترض عليه بعد كده ده رايى المتواضع وعلى فكرة انا قدمت فى الانتخابات وماليش نشاط محظولر وانا من الطلبة المشاركين فى النشاط بكثرة واسالوا وبرضه اتشطبت ممكن تفسير؟؟؟؟؟؟؟؟؟؟؟؟؟؟؟

مرحبا بيكى يا همسة فى النقاش دة(الحمد لله الخناق انتهى على خير)
أتمنى انك تشاركينا برأيك وبأى اقتراح ..وياريت ماتبخليش علينا

abdelmoezlove
معاك حق فعلا.. كتييييييييييير من زمايلنا واصحابنا اتشطبوا بدون أى تفسير (وهيه دى النقطه اللى بدأ علشانها الموضوع اصلا)
والحمد لله بدأنا (نشوف) شوية نشاط فى اتحاد( الكلية) على اخر السنة
اتمنى كل التوفيق لجميع اعضاء الاتحاد السابق..كما اتمنى تغيير منهاج التعامل مع الطلبة باعتبار أن لا رأى لهم حتى نرى اتحاد ذو شرعيه حقيقيه فى كليتنا الحبيبة.

أتمنى يا دكتور لو عندك أى اقتراح فى الموضوع ده تفيدنا بيه

تشرفت بمرورك

شكرا يا د : شيرو أنا رايى ان الانتخابات لن تاتى الا بالمطالبة والاسنمرار فى المطالبة على اعلى المستويات وما ضاع حق وراءه مطالب ولا تستخفوا بكلامى وتقولوا تطالب مين يا عم
صدقونى اى شى جميل وحلو مثل الانتخابات لابد له من التعب للحصول عليه
لو مقدرتش تاخد خقك بايدك محدش هيجبهولك صدقونى سلام[size=29][/size]

» الحمله القوميه لمواجهه تحديد الأنترنت في مصر(لازم الكل يشترك ياجماعه)
» الكل بيدور عليه كتاب لعنة الفراعنه .. أنيس منصور حمل علي طوووول
» ياريت كلنا نبقى......قهوة
» لو سمحتو ياجماعه اللى عندو سكاشن اناتومى....ياريت يرفعها