متطرف اسلامي يقتل كلب امريكي؟؟؟!!!

كان رجل يتمشى في حديقة في نيويورك

فجأة رأى كلب يهجم على فتاة صغيرة فركض الرجل نحو الفتاة وبدأ عراكه مع الكلب حتى قتله

وأنقذ حياة الفتاة . في تلك الأثناء كان رجل شرطة يراقب ما حدث ، فاتجه الشرطي نحو الرجل

وقال له :

أنت حقا بطل !

غدا سنقرأ الخبر في الجريدة تحت عنوان " رجل شجاع من نيويورك ينقذ حياة فتاة صغيرة " .

أجاب الرجل : " لكن أنا لست من نيويورك " .

رد الشرطي إذا سيكون الخبر على النحو التالي " رجل أمريكي شجاع أنقذ حياة فتاة صغيرة "

رد الرجل : " أنا لست أمريكي " .

قال الشرطي مستغربا : " من تكون ؟ " .

أجاب الرجل : " أنا باكستاني " .

في اليوم التالي ظهر الخبر في الجريدة على النحو التالي :

" متطرف إسلامي يقتل كلب أمريكي بريء " .

صراحة مش عارف أضحك ولا أبكي

فعلا والله
بس احنا مش نبكي
لانهم اعتادوا على تسميتنا بكدا متطرفين وارهابيين
وطول ما احنا بنستجيب لهذا النعيق وهم هيفضلو يعملوا كدا ويزيدوا في تسميتنا بكدا
لاننا بنمشي وراهم برغم ان دينا بدون اي حرج بيامرنا بان نرهب اعداء الاسلام
( وأعدوا لهم ما استطعتم من قوة ومن رباط الخيل ترهبون به عدو الله وعدوكم )
شكرا على الموضوع
وجزاكم الله خيرا

بارك الله في يا دكتور على هذا الخبر
و انا لو عارفين ديننا صح و بنتعامل بيه
طبعا ما كنوش هيقولوا علينا كده
لأن كتير منهم لما بيعرف احنا ديننا أمرنا بايه
بيستغربوا وبيقولوا انهم فاكرين ان ديننا بيأمرنا بالقتل والقسوة

نسأل الله أن يردنا إلى ديننا مردا جميلا
و أن يعيننا على نشر الإسلام بصورته الحقيقية

هو في بس تنويه بسيط على كلام حضرتك
هو الفكرة مش في اننا بنتعامل بدينا او عارفينه صح
القضية انهم بيعمو عن انفسهم الحقيقة
يعني مثلا في القصة دي نفسها هل الباكستاني اخطا بالعكس اتعامل زي ما دينا امر
والامريكي كمان بيتعامل زي ما بني جلدته كلهم بيتعاملو
المشكلة مش فينا احنا المشكلة فيهم احنا ملناش ذنب انهم بيكرهونا
يا ريت حضرتك توضحي اكتر نتعامل بدينا ونعرفه ازاي علشان مش يقولو علينا كدا
وجزاكم الله خيرا

في البداية عايزة اوضح أن أنا مش قصدي أن الباكستاني ده
هو اللي ما تعاملش بدينه
أنا قصدي أن احنا يا ريت كلنا نعمل كده
نعاملهم بأخلاقنا إلى أمرنا بيها الإسلام
لأن ممكن تعاملنا ده يبقى سبب في هداية ناس كتير للإسلام
زي ما حصل و ناس كتير أسلمت
لما شافوا حسن أخلاق المسلمين
و عرفوا أن الإسلام هو اللي بيعلمنا كده
و طبعا مش معنى ده أن احنا نختلط فيهم و نقلدهم

قال تعالى :
(لا ينهاكم الله عن الذين لم يقاتلوكم في الدين و لم يخرجوكم من دياركم أن تبروهم و تقسطوا إليهم إن الله يحب المقسطين)

و طبعا المجال هنا مش هيتسع أن أنا أكلم في كل اللي
بيعلمه لنا الإسلام

بس أنا هاذكر موقف للرسول عليه الصلاة والسلام
عندما مرض جاره اليهودي وزاره النبي عليه الصلاة والسلام
ودعاه إلى الإسلام وكان شاباً
فالتفت الشاب إلى أبيه ليستأذنه
قال أبيه: أطع أبا القاسم
ففرح النبي عليه الصلاة والسلام فرحاً شديداً قال:
( الحمد لله الذي أنقذه بي من النار )

طبعا يا دكتورة كل اللي حضرتك تفضلي بذكره دا كلام صحيح
لكن احنا مش بصدد الدعوة
يعني هو اصلا لما الباكستاني اتعامل معاهم كويس كانو شكرو ليه معاملته
انا مش قصدي اننا نتعامل معاهم معاملة مش كويسة
انا عايز اوضح لحضرتك انهم اللي بيختلقو العداء لينا فمش ذنب مننا انهم يعادونا
لان دا خلاص بقى طبيعة عندهم انهم يعادو الاسلام بغض النظر عن المعاملة

أنا فاهمة قصد حضرتك
لأن الارهاب ده بتاعهم اصلا
و احنا لو حد عمل عندنا حاجة
مش هيساوي حاجة جنب اللي هما بيعملوه فينا
و قتلهم لاخواننا بأبشع الوسائل

أنا بس اللي أنا كنت أقصده أن زي ما الباكستاني كده عمل
مع الطفلة لأنها لحد دلوقتي ما لهاش ذنب في حاجة
فاحنا نحاول نتعامل كويس مع الناس اللي فيهم مش بيعادونا
يعني نحاول ناخدهم في صفنا
عشان لما يلاقوا المذابح اللي بتتعمل في اخواننا
ممكن يبقى رايهم معانا و يعترضوا على ده

و احنا المفروض أصلا نتعامل بإسلامنا
عشان ربنا يرضى عنا
و هما يقولوا اللي هما عايزينه